Skip to content

test

- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
Цэлмэг охин хурдан эдгэрээсэй PDF Хэвлэх И-мэйл
Бичсэн osaka   
2014 оны 1-р сарын 29, Лхагва гариг, 07:29

Сүүлийн өдрүүдэд Японы хэвлэлээр Монголоос ирж эмчлүүлж буй бяцхан охин Цэлмэгийн тухай бичигдсээр байна. Содбилэгийн Цэлмэг /1 нас 4 сартай/ нь 2014 оны 1 дүгээр сарын 10-нд ээжийнхээ хамт Японд иржээ. Өнөөдөр Токио хотын Жоши Ика Их сургуулийн эмнэлэгт зүрхний хагалгаанд орж байгаа юм.

Ээж, охин хоёрын төлөө бүгдээрээ залбирч, хагалгаа амжилттай болохыг ерөөе.

Охины хагалгааны зардлыг “Акэми чян” (“Akemi Chan Fund”) гэдэг хүүхдийн зүрхний өвчнийг анагаах зориулалттай сангаас санхүүжүүлж байна.  “Акэми чян сан” нь 1966 онд байгуулагджээ. Санкэй сонин нь нэгэн ядуу айлын зүрхний хүнд өвчтэй Исэжи Акэми охины тухай мэдээллийг өөрийн сониноор дамжуулан олон нийтэд хүргэж, уншигч олны хандивын хүчээр охины амь насыг аварсан нь “Акэми чян сан” байгуулагдах эхлэл нь болсон түүхтэй. Өдгөө “Акэми чян сан” нь хөгжиж буй орнуудын зүрхний өвчтэй хүүхдүүдийг Японд ирж эмчлүүлэхэд санхүү хөрөнгөний дэмжлэг үзүүлдэг бөгөөд Бангладеш, Ветьнам, Камбож зэрэг орны 100 гаруй хүүхдэд амьдрал бэлэглэжээ.

“Акэми чян сан”-гийн хамт олонд талархлаа илэрхийлье. Сайн үйлс дэлгэрэх болтугай.

Санкэй сонинд гарсан Цэлмэг охины тухай мэдээллийг http://sankei.jp.msn.com/life/news/140123/bdy14012301100000-n1.htm линкээр үзнэ үү.

“Акэми чян сан” -ийн тухай мэдээллийг http://sankei.jp/business/bu_akemi.html авч болно.

 

Сүүлд шинэчлэгдсэн: 2014 оны 1-р сарын 29, Лхагва гариг, 07:31
 
Цагаан сар бол чин сэтгэлийн сүүн цацал юм PDF Хэвлэх И-мэйл
Бичсэн osaka   
2014 оны 1-р сарын 28, Мягмар гариг, 08:23

Монгол түмний сар шиний баяр Цагаан сар хаалга тогшиж байна. Хотол түмэн идээ будаагаа бэлдэж, бэлтгэлээ аль хэдийнээ базааж эхэлчихсэн. Харин Та айлчлан ирэх “Цагаан сар”-ын талаар хир мэдэх үү. Таны мэдлэгт нэмэр болохуйц мэдээллийг хүргэж байна. Уншиж болгооно уу.

Чингис хаан 1206 онд Их Монгол улсыг байгуулсны дараа Цагаан сарыг хаврын эхэн сард мал төллөж, идээ цагаа, өвс ногоо дэлгэрч байх үеэр тэмдэглэвэл зохилтой хэмээн зарлиг буулгажээ. Үүнээс хойш цагийн аясыг даган, жилийн өнгийг монгол зурлагаар, од гаригсын байршлыг сарны тооллоор тоолон одоогийн бидний мөрдөж буй Цагааны сарыг хаврын эхэн сарын шинийн нэгнээс эхлэн тэмдэглэдэг болсон уламжлалтай.

Монголчууд сүүг эх хүний эрхэм нандин сэтгэлээр дээдлэн билэгшээж, тэнгэр байгаль эхдээ сүүн цацлаа өргөж ирсэн. Сүү шиг ариуныг билэгшээн “Цагаан сар” хэмээн нэрлэжээ. Мөн жил, цагийг амьтнаар төлөөлөн, сар өдрийг өнгөөр тодорхойлдог юм. Энэхүү баярын утга нь ах дүү, төрөл саднаа мэдэлцэх, бие биенээ хүндэтгэх зан үйлд оршдог. Учир иймээс заавал харилцан зочлон золгодог заншилтай.

Энэ өдөр ирэх жилдээ өрх гэрээ дүүрэн элбэг дэлбэг байлгахыг ерөөн гадуур хонодогүй, шинийн нэгэн, хоёрны өдрийг хөтөл өдөр хэмээх учир алс хол явдаггүй байна. Цагаан сараар уур, шунал, мунхаглал гэсэн гурван нүгэлийг тэвчиж, буян үйлдэх нь хамгийн чухал зан үйл ажээ.

Монголчууд бор болон цагаан гэсэн хоёр янзын идээ бэлдэнэ. Бор идээнд: бүхэл мах, битүү бууз банш, шимийн архи. Цагаан идээнд: бүх төрлийн цагаан идээ, ул боов, боорцог, айраг ордог байна. Цагаалах үеэр эвтэй найртай явахын бэлгэдэл болгож хөөрөг зөрүүлж тамхилах бөгөөд харин хөөрөг харшуулж солилцохыг цээрлэхийн хамт толгойг нь дарж болдоггүй.

Голдуу ахмад хүмүүс хадагны амсарыг золгож байгаа хүн рүү харуулан барьж золгоно. Ахмад хүнтэй золгохдоо хоёр гараа тохойг нь түшин “Та амар мэнд байна уу?” гэж золгож хоёр хацраа үнсүүлнэ. Нас чацуу хүмүүс гар гарын бугуйгаар зөрүүлэн золгоно. Гэрийн эзэн гэргийтэйгээ золгодоггүй, учир нь хань гэргий хоёрын бие сэтгэл нэгэн ертөнц гэдэг. Хоёр давхар биетэй хүмүүс хоорондоо золгодогүй нь тээж байгаа үрийн хүйс солигдоно гэж цээрлэдэг байна.

Хүндэтгэл ёслолын их үйлийн дараа бие биедээ бэлэг өгч, гар цайлгана. Бэлгийн ихийг буурай ахмадууд, балчир үрст өгч, бусад хүмүүст гар цайлгах бэлэг өгдөг байна. “Бэлгийн морины шүдийг үздэггүй" гэдэгчлэн бэлэг нь хүүхэд хөгшдийг баярлуулах, бусдад ирэх жилийн элбэг дэлбэг байхыг бэлэгддэг аж.

Энэ баяр бол өнгө мөнгөний өрсөлдөөн, баян ядуугийн харгалдаан, эрх мэдэл зусардлын сүлэлдээн огт биш ээ. Энэ баяр бол монголын ёс заншилын эрхэм үйл, хүн чанарын эрхэмсэг оршихуй, чин сэтгэлийн сүүн цацал юм.

Жич: Шинийн дөрвөн буюу 2 сарын 3-ны Даваа гарагийн морин цагт Осака дахь Монгол улсын Ерөнхий Консулын газар хуурын аялгуугаар жавраа үргээж, сар шинийн ёслол болохыг дашрамд дуулгая. Монгол ах дүү нар морилон саатаарай.


Normal 0 false false false EN-US JA X-NONE

Сүүлд шинэчлэгдсэн: 2014 оны 1-р сарын 28, Мягмар гариг, 08:35
 
Монголын гоц ухаантан хүүг дэлхий онцолж байна PDF Хэвлэх И-мэйл
Бичсэн osaka   
2014 оны 1-р сарын 28, Мягмар гариг, 06:17

Асахи сонин /тус сонин нь 7 сая уншигчтай, өдөрт өглөө орой хоёр удаа хэвлэгддэг/-ны сэтгүүлч Р.Канари-гийн “Цахим сургалтын хувьсгал ба үнэгүй онлайн хичээлийн эрэлт, хэрэгцээ” (ルポMOOC革命 無料オンライン授業の衝撃) гэдэг ном хэвлэгдэн гарчээ. Уг номын 4 дүгээр бүлэг нь Массачусетсийн Технологийн их сургуульд суралцах эрх авсан монгол хүү М.Баттүшигийг тусгайлан сурвалжилсан тэмдэглэлээс бүтжээ. Зохиогч нь “Улаанбаатар хотын Сант дунд сургуулийн сурагч М.Баттүшиг 15 настайдаа Mассачусетсийн “EDX” онлайн хичээлийг үзэж шалгалт өгчээ. Улмаар Mассачусетсийн их сургуульд элсэн орох эрхийг авсан. Технологийн салбарт дэлхийд хамгийн өндөр боловсролыг олгодог Массачусетсийн технологийн их сургуульд шалгалт өгсөн 160 мянган хүүхдээс монгол хүү М.Баттүшиг нэгд жагссан байна. Ингэснээр М.Баттүшиг хүү гоц ухаантан гэж нэрлэгдэх болжээ” гэж онцлон тэмдэглэсэн байна.

Массачусетсийн технологийн их сургууль нь 1861 онд байгуулагдсан. Тус сургууль нь өнөөг хүртэл 200 мянган сод ухаантныг төрүүлсэн дэлхийн шилдэг 10 сургуулийн нэг юм. Монголын гоц ухаантан хүү хэмээн нэрлэгдэж буй М.Баттүшиг дээрх 200 мянган сод ухаантны нэг болох нь дамжиггүй. М.Баттүшиг хүү Монгол Улсын нэрийн хуудас, бидний ирээдүйн бахархал болно гэдэгт эргэлзэх зүйлгүй бизээ. Ийнхүү Монгол бахархал нэгээр нэмэгдлээ.

Уг номыг Иванами хэвлэлийн газар хэвлэн гаргажээ.

Номын талаарх мэдээллийг доорх линкээр сонирхоно уу

http://www.iwanami.co.jp/cgi-bin/isearch?isbn=ISBN978-4-00-002230-9

 

Сүүлд шинэчлэгдсэн: 2014 оны 1-р сарын 28, Мягмар гариг, 06:23
 
Монголын компани Японд үл хөдлөх хөрөнгө авч чадсангүй PDF Хэвлэх И-мэйл
Бичсэн osaka   
2014 оны 1-р сарын 23, Пүрэв гариг, 08:32

Хойд Солонгосын иргэдийн нийгэмлэг (Chongryon)-ийн байр Токио хотын төвийн Чиёдо дүүрэгт байрладаг. Япон, Хойд Солонгосын хооронд дипломат харилцаа байхгүйн улмаас уг нийгэмлэг нь Хойд Солонгосын оршин суугчдын асуудлыг хариуцдаг албан бус Элчин сайдын яаманд тооцогддог.

Хойд Солонгосын иргэдийн нийгэмлэгийг дэмжин ажилладаг банк бус санхүүгийн байгууллага нь 2007 онд дампуурч, тус нийгэмлэгийн эзэмшлийн байр шүүхийн өр барагдуулах албанд хураагдсан байна.  Шүүхийн өр барагдуулах алба 2013 оны 10 дугаар сард уг барилгыг дуудлага худалдаанд оруулж, Монголын "Авар" ХХК 50 сая ам.доллараар худалдан авахаар болсон.

Японы тал Монголын “Авар” ХХК-ийн хөрөнгө нь хууль ёсны эсэхийг нягтлахаар өнгөрсөн 10 дугаар сард Монгол руу мэргэжлийн болон хэвлэлийн баг илгээсэн байдаг /Японд их хэмжээний хөрөнгөөр үл хөдлөх хөрөнгө худалдан авахад худалдан авагчийн хөрөнгийг нягталдаг журамтай/. Гэтэл “Авар” ХХК нь 2013 оны 9 дүгээр сард байгуулагдсан, татварын албанд бүртгэлгүй байсан нь тодорхой болсон байна. Японы Засгийн газрын зарим албаны хүмүүс ч уг компани нь “цаасан компани” гэсэн байр суурийг илэрхийлж байсан удаатай.

Өчигдөр Токио хотын шүүх Хойд Солонгосын иргэдийн нийгэмлэгийн байрны асуудлаар хуралдаж, “Авар” ХХК-ийн худалдан авалтыг хүчингүйд тооцжээ. “Авар” ХХК нь бодитоор үйл ажиллагаа эрхлэн явуулдаг эсэх нь батлагдаагүй, шалгалтын явцад ирүүлсэн баримт бичгүүд нь тамга тэмдэг дутуу, хуурамч байх магадлалтай гэсэн үндэслэлээр ийнхүү шийдвэрлэжээ. “Авар” ХХК нь шүүхийн шийдвэрийг давж заалдах эрхтэй юм байна.

Япон хэлээр гарсан нийтлэлийг доорхи линкээр сонирхоно уу.

http://www.sponichi.co.jp/society/news/2014/01/23/kiji/K20140123007443610.html

 

 

 

Сүүлд шинэчлэгдсэн: 2014 оны 1-р сарын 23, Пүрэв гариг, 08:37
 
Монгол чацарганы давуу чанарыг япончууд үнэлж байна PDF Хэвлэх И-мэйл
Бичсэн osaka   
2014 оны 1-р сарын 23, Пүрэв гариг, 05:45

Европ, Азид 6 зүйл, 12 дэд зүйлийн чацаргана зэрлэгээрээ ургадаг, өргөн тархсан ургамал юм. Монгол, Хятад, Энэтхэг, Балба, Пакистан, Орос, Их Британи, Франц, Дани, Нидерланд, Герман, Польш, Финланд, Швед, Норвеги зэрэг улсуудад ургана. Дэлхий дээрх чацарганы 90 орчим хувь нь Хятад улсад ноогддог гэж Википедия дурдсан байна. Гэтэл Монголын чацаргана чанар, агууламжаараа онцгой сайн болохыг Японы судлаачид нотолж байна.

Тэсгим хүйтэн, аагим халуун, хэт хуурай, нарны хүчтэй туяанд тэсвэртэй Монголын чацарганы том жижиг 295 төрөл байгааг тогтоожээ. Чингис хаан цэргийн морьдод чацаргана өгөхийг зарлиг болгож байсан төдийгүй Их хаан өөрөө ч зооглодог байжээ. Мөн ЗХУ-ын сансарын нисгэгчдийн хэрэглэж байсан сансарын туяанаас хамгаалах эмийн найрлаганд чацаргана орж байсныг, 1988 оноос Хятад улс Олимпийн тамирчиддаа хүч тамир оруулахын тулд чацарганыг тамирчдын хүнсэнд оруулдаг болсныг японы эх сурвалжууд хэлж байна. Чацарганыг зүүн зүгийн Хятад, баруун зүгийн Англи хүртэлх өргөн уудам нутагт тархан суусан хүн зоны хэрэглээ болсон Евро-Азийн супер жимс хэмээн тодорхойлжээ. Япончууд монгол чацарганаар хийсэн бүтээгдэхүүнийг сурталчилж байгаа нь талархууштай. Нэгэн үе бид ноолууран бүтээгдэхүүнээрээ гайхуулдаг байсан бол одоо Монгол чацаргана гэсэн шинэ монгол бренд бий болж, бидний үзүүлэх нэрийн хуудас нэгээр нэмэгдэж байна.

/Линкийг үзнэ үү/ 100%天然有機栽培サジー - yellowdoctor-jpn.com‎

2010 оны 3 дугаар сард Засгийн газраас “Чацаргана” хөтөлбөр баталжээ. Энэхүү хөтөлбөрт цөлжилтөөс сэргийлэх, хөрс, байгаль хамгаалах, хүн амыг олон төрлийн амин дэм бүхий жимс жимсгэнээр хангахын тулд жил бүр 5 саяас доошгүй суулгац бэлтгэх, таримал чацарганы талбайг 2012 онд 10 мянган га, 2016 онд 20 мянган га-д хүргэх зорилго тавьсан аж. Эх орныхоо газар шорооноос мэндэлсэн чацарганыг монгол хүн өөрөө илүү ихээр эдэлж, хэрэглэвээс ид шидтэй эрдэнийн эзэн нь болох нь дамжиггүй.

 

Сүүлд шинэчлэгдсэн: 2014 оны 1-р сарын 23, Пүрэв гариг, 06:03
 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 20-с 9

Холбоос