Skip to content

test

- Гадаадад зорчиход анхаарах зүйлс        - Монголын иргэд хилийн чанадад зорчих визийн нөхцөл        - Visa application form
Хүн ам, орон сууцны 2015 оны завсрын тооллогыг явуулж байна PDF Хэвлэх И-мэйл
Бичсэн osaka   
2015 оны 10-р сарын 14, Лхагва гариг, 01:07

Монгол Улсын Үндэсний Статистикийн хороо (ҮСХ)-ноос Хүн ам, орон сууцны завсрын тооллогыг 2015 онд зохион байгуулахаар шийдвэрлэсэнийг дуулгаж байна. Үүнтэй холбогдуулан гадаад улс оронд суугаа Монгол Улсын иргэдийн бүртгэлийг 2015 оны 10 дугаар сарын 1-ний өдрөөс эхлэн зохион байгуулахаар болсныг ҮСХ-оос мэдэгдэв. Тооллого нь 2015 оны 12 дугаар сарын сүүлч хүртэл үргэлжилнэ. Монгол Улсын иргэн завсрын тооллогод хамрагдахын тулд өөрөө интернетээр ҮСХ-ны http://e-census.nso.mn/web цахим хуудсанд хандан бүртгүүлж баталгаажуулах, эсвэл тухайн оршин суугаа оронд буй өөрийн улсын ДТГ-т биечлэн ирж бүртгүүлэн тооллогод хамрагдана. Тодруулах, лавлах зүйл гарвал манай Ерөнхий Консулын Газрын утас, имэйл хаяг руу хандана уу.

 

Сүүлд шинэчлэгдсэн: 2015 оны 10-р сарын 14, Лхагва гариг, 01:12
 
АЗИ, НОМХОН ДАЛАЙН АЮУЛГҮЙ БАЙДЛЫН ХАМТЫН АЖИЛЛАГААНЫ ЗӨВЛӨЛИЙН НЭГДСЭН ХУРАЛДААН МОНГОЛ УЛСАД БОЛНО PDF Хэвлэх И-мэйл
Бичсэн osaka   
2015 оны 10-р сарын 13, Мягмар гариг, 07:12

Ази, Номхон далайн аюулгүй байдлын хамтын ажиллагааны зөвлөлийн (CSCAP) 10 дахь удаагийн нэгдсэн хуралдааныг 2015 оны 10 дугаар сарын 21-нээс 23-ны өдөр “Ази, Номхон далайд итгэлцэл бий болгох нь: XXI зууны аюулгүй байдлын тогтолцоо” сэдвээр Улаанбаатар хотноо зохион байгуулах гэж байна. Тус арга хэмжээг CSCAP-ийн Монгол дахь Нарийн бичгийн дарга нарын газар болох Үндэсний аюулгүй байдлын зөвлөлийн Стратегийн судалгааны хүрээлэн (ССХ) зохион байгуулах бөгөөд нэгдсэн хуралдаанд 20 орны 150 төлөөлөгч оролцохоор байна.

CSCAP бол бүс нутгийн аюулгүй байдлын орчин, учирч буй сорилтын талаар эрдэмтэн, судлаачдын дунд хэлэлцүүлэг өрнүүлж, дүгнэлт, санал, санаачилгыг төр, засгийн холбогдох байгууллагад зөвлөмж болгон хүргэх, аюулгүй байдлын хамтын ажиллагааг хөгжүүлэх зорилго бүхий төрийн бус байгууллага юм. Тус байгууллага Еврази, Америк, Австрали тивийн улсыг эгнээндээ нэгтгэж жил ирэх бүр хүрээгээ тэлж байна. Монгол Улс тус байгууллагад 1996 онд элссэн ч өнгөрсөн хугацаанд зөвхөн судалгааны багт оролцсон байдаг. Энэ удаагийн хуралдааныг зохион байгуулах эрх авсан явдал нь Монгол Улс бүс нутгийн аюулгүй байдал, хамтын ажиллагаанд хувь нэмрээ оруулж буйн тод илрэл болно. Тус байгууллагын Удирдах зөвлөл жилд 2 удаа, харин нэгдсэн хуралдаан хоёр жилд 1 удаа болдог юм. Нэгдсэн хуралдаанд бүс нутгийн төр засгийн удирдах албан тушаалтан, элчин сайд, нэр хүндтэй эрдэмтэд оролцдог уламжлалтай.

Эдүгээ Зүүн хойд Азийн бүс нутагт их гүрнүүдийн цэрэг-улс төр, эдийн засгийн өрсөлдөөн нэмэгдэх хандлагатай байна. Түүнчлэн Солонгосын хойгийн байдал тогтворгүй хэвээр, Зүүн Азид газар нутгийн маргаанаас үүдсэн сөргөлдөөн гарч болзошгүй энэ эгзэгтэй цаг үед тус байгууллагын гишүүн орнуудаас нэр хүндтэй эрдэмтэн, судлаачид ирж буй нь зөв гарц, боломж бий болгох, ойлголцлыг нэмэгдүүлэх ач холбогдолтой билээ.

CSCAP-ийн 10 дахь удаагийн нэгдсэн хуралдаан нь 2016 онд Улаанбаатар хотноо зохион байгуулагдах АСЕМ-ийн дээд хэмжээний уулзалтын өмнө болж буйгаараа онцлогтой болж байна.

 

Сүүлд шинэчлэгдсэн: 2015 оны 10-р сарын 13, Мягмар гариг, 08:24
 
The 10th Council for Security Cooperation in the Asia Pacific (CSCAP) General Conference to be organized on October 21-23, 2015 in Ulaanbaatar, Mongolia PDF Хэвлэх И-мэйл
Бичсэн osaka   
2015 оны 10-р сарын 13, Мягмар гариг, 08:28

Institute for Strategic Studies, National Security Council of Mongolia is hosting the 10th CSCAP General Conference under the theme “Confidence Building in the Asia Pacific: The Security Architecture of the 21st Century” on October 21 – 23, 2015 in Ulaanbaatar, Mongolia with the participation of 150 representatives from 20 countries.

The CSCAP provides an informal mechanism for scholars, officials and others in their private capacities to discuss political and security issues and challenges facing the region. It also provides policy recommendations to various inter-governmental bodies, conducts regional and international meetings and establishes linkages with institutions and organizations from other parts of the world to exchange information, insights and experiences in the area of regional political-security cooperation. Meetings of Steering Committee, the highest decision-making body of CSCAP, are held twice a year while General Conferences are held biannually.

In recent years, there have been increasing military-political and economic competitions among major powers in North East Asia. Furthermore, situation in the Korean peninsula remains unstable and potential conflicts would arise from territorial disputes in the region. In such a critical period, it is crucial for gathering renowned scholars and academics to pave a constructive path and to enhance understanding among the countries.

The 10th CSCAP General Conference is of considerable importance for being held prior to the Asia-Europe Meeting (ASEM) 2016 in Ulaanbaatar, Mongolia.

The General Conference provides a great opportunity for its participants to learn and share valuable experience with experts from the CSCAP member countries as well as establish fruitful working relations with a wide range of international partners and organizations.

We look forward to welcoming you at the 10th CSCAP General Conference.

 

Сүүлд шинэчлэгдсэн: 2015 оны 10-р сарын 13, Мягмар гариг, 08:31
 
“Монгол Улс байнга төвийг сахих” тухай Монгол Улсын Ерөнхийлөгч Ц.Элбэгдоржийн санаачилга PDF Хэвлэх И-мэйл
Бичсэн osaka   
2015 оны 9-р сарын 24, Пүрэв гариг, 02:25

МОНГОЛ – ТӨВИЙГ САХИХ

Монгол Улс төвийг сахисан бодлоготой орон болох. Энэ тухай нилээд бодлоо. Санал ч солилцлоо. Судалгаа дүгнэлт ч гаргуулж үзлээ. Энэ асуудлыг нийтээрээ тунгааж хөндөж ярилцах цаг нь ч болжээ.

Монгол хүн бүр л улс орныхоо эрх чөлөө, тусгаар тогтнол, бие даасан байдлыг улам бататгах тухай бодож санаж явдаг. Түүнд хувь нэмрээ оруулахыг эрмэлздэг. Манай улсын хувьд төвийг сахих нь дээрхи эрх ашигт яв цав таарна гэж олон хүн үздэг. Эрх чөлөө, тусгаар тогтнолоо сэргээж байх үед ч, ардын болон ардчилсан хувьсгалын халуун өдрүүдэд ч энэ сэдэв яригдаж л байсан.

Төвийг сахих статусыг олон улсын эрх зүйгээр үндсэн хоёр төрөлд хувааж үзэх хандлага тогтжээ. Энэ статусын ангилал нь тухайн бодлогыг хэрэгжүүлж буй улс орны шийдвэр тунхаглалаас цэвэр хамаардаг. Дайны үед төвийг сахих бодлого гэж бий. Мөн байнга төвийг сахих бодлого гэж бий. Мөн идэвхтэй, идэвхгүй гэж нэрлэх нь ч бий. Дээрхи бодлогын нэр нь агуулгаа тодорхойлдог. Мөн тухайн бодлогын мөн чанар, зарчмыг илэрхийлсэн олон улсын харилцаанд мөрддөг гэрээ, хэлэлцээр ч бий.

Манай улсын хувьд “Монгол Улс нь байнга төвийг сахисан орон” гэж тунхаглаагүй нь үнэн. Гэвч манай гадаад бодлогын утга агуулга, хэлбэр, үйл ажиллагаа нь дурьдсан зарчимд бүрнээ нийцэж иржээ. Мөн бидний баталсан, нэгдэж орсон үндэсний болон олон улсын хууль, эрх зүйн баримт бичгүүд нь дээрхи бодлоготой зөрчилдөхгүй байгаа нь сайшаалтай. Тэр тусмаа манай улсаас хөрш орнуудтайгаа байгуулсан гэрээ хэлэлцээрийн утга агуулга, үг үсэгт дээрхи бодлого нарийвчлан тусгалаа олсон байдаг.

Монгол Улс төвийг сахих бодлого баримтлах тухай ярьж хэлэлцэхдээ бид юуны түрүүнд доорхи хүчин зүйлүүдийг бодолцох нь зүйтэй.

Нэг: Монгол Улс шинэ, ардчилсан Үндсэн хуулиа баталснаас хойш төвийг сахих бодлогыг агуулгын хувьд идэвхтэй хэрэгжүүлж иржээ. Харин хэлбэрийн талд түүнийгээ тунхаглаагүй байгаа юм. Энэ бодлогоо хэлбэржүүлж, баталгаажуулах үйл явц нь манай улсын хувьд зөвхөн цаг хугацааны асуудал болоод байна.

Хоёр: Манай улсын туулж ирсэн түүх, газар зүйн байршил, сонгож авсан замын онцлог, эрх ашигт төвийг сахих статусын зарчим, мөн чанар нийцэж байгаа юм. Уг бодлого нь тухайн оронд бусад улстай эрх тэгш, тэнцвэртэй харилцах боломж олгодог. Мөн бусад улс орон, олон улсын байгууллага ч тийм бодлогод хүндэтгэлтэй ханддаг.

Гурав: Олон улсын байдал, дэг журам цагийн эрхээр өөрчлөгдөж, шинэчлэгдэх нь бий. Харин төвийг сахих үйл ажиллагаа нь хамгийн тогтвортойд ордог. Учир нь уг статусыг хэрэгжүүлэгч улс оронд л тухайн бодлогоо засварлах, шинэчлэх, зогсоох онцгой бүрэн эрх хадгалагддаг.

“Байнга төвийг сахих” гэж чухам юуг хэлж ойлгож байна вэ?

Энэ нь дайны үед ч, энх цагт ч хэвээрээ байдаг бодлого юм. Төвийг сахисан улс орон нь гадны халдлагад өртсөн тохиолдолд өөрийгөө хамгаалах бүрэн эрхтэй. Харин бусад улс орны эсрэг дайн өдөөхгүй, тэдний өдөөсөн дайнд оролцохгүй байх үүргийг сайн дураараа хүлээдэг. Байнга төвийг сахих статустай орон өөрийн гэсэн арми, зэвсэгт хүчинтэй байх дархан эрхтэй. Энэ эрх нь ч уг бодлогын баталгаа, дархлаа болдог. Сонгодог төвийг сахигч Швейцарь улс л гэхэд Европтоо хамгийн чадварлаг, түргэн маневрлагч армитай орны тоонд ордог. Манай батлан хамгаалах бодлогын үндэс ч дээрхитэй нийцдэг.

Төвийг сахигч орны газар нутгийн халдашгүй дархан байдал олон улсын эрх зүйгээр давхар баталгааждаг. Үүнд агаарын болон усан хил нь ч ордог. Тийм орны газар нутагт бусад этгээдээс дайны үйл ажиллагаа явуулахыг хориглодог. Мөн дайтагч талын цэрэг зэвсгийг өөрийн нутгаар дамжуулахгүй байх эрх эдэлдэг. Энэ нь аливаа цэргийн эвсэлд гишүүнээр элсэх болон цөмийн зэвсгийн асуудалд ч хамаарна.

Дурьдсан байдлаар “төвийг сахих” статусын үндсэн зарчим томъёологдож хэрэгждэг. Хэдий тийм боловч энэхүү бодлогын хэрэгжилт, үйл ажиллагааны хэлбэр нь тухайн статусыг тунхаглагч эзэн орноос л шууд шалтгаалдаг. Тайлбар нь ч адил. Нэг үгээр хэлбэл, тухайн статусыг тунхаглагч орон нь уг бодлого, үйл ажиллагаагаа дээрхээс улам тодруулж, эсвэл түүндээ тодорхой хүрээ хязгаар тогтоож хуульчлах, шийдвэрлэх, түүнийгээ зарлах тайлбарлах эрхтэй. Нөгөөтэйгүүр уг статусын чанар нь тухайн орны идэвх санаачлагаас, түүний олон улсын нэр хүндээс бас хамаарна гэсэн үг.

Аливаа улс “байнга төвийг сахих” статусаа аль нэг орон, олон улсын байгууллагаар заавал дэмжүүлэх албагүй. Гэхдээ тийм статус зарлагч орныг олон улсын харилцаанд “төвийг сахисан улс” гэж үзэж, бүртгэл статистикт оруулдаг. Харин хөршөөсөө эхлээд уг асуудлаар ойлголцож, цаашид бусад орон, олон улсын байгууллагаас дэмжлэг авахыг эрмэлзэх нь зүй ёсны алхамд тооцогдоно. Бидний өвөг дээдэс аливаад гол ноён нуруу барьж хандахыг чухалчилдаг байсан. Шинэ цаг үед энэ уламжлалаа хадгалж нэг гартаа НҮБ-ын, нөгөө гартаа өөрийн дүрмийг барьж амьдрахыг эрхэмлэнэ гэсэн үг.

Монголын эрх ашигт нэгдмэл, залгамжтай, тодорхой гадаад бодлого бол ус агаар лугаа адил. Төвийг сахих статус нь бидний хувьд нэг талаар байгаа хүч боломждоо улам тулгуурлах, нөгөө талаар бусадтай идэвхтэй, уян хатан харилцахад тустай, нийтээр хүлээн зөвшөөрөгдсөн хэрэгсэл юм. Үүнийг олны амьдрал сургамжаар бүтээгдсэн нийтлэг үнэлэмж ч гэж үзэж болно. Бас манайхны хувьд боломж юм. Боломж байнга олдоггүй. Үнэт зүйл удаан төлөвшдөг. Энд бидний санаачлагатай, тууштай байдал чухал. Мөн дээрхи статус маань Монголоор төвлөх олон бодлого, үйл ажиллагааг идэвхжүүлэхэд ч нэмэр болох нь гарцаагүй.

Монгол Улс байнга төвийг сахих. Энэ тухай цаашид зөвлөлдөж, ярилцаж, тодорхой шийдвэр гаргаж хэрэгжүүлэх нь манай улсын эрх ашигт нийцнэ гэж бодож байна. Төвийг сахих статус болон түүний эрх зүйн байдал, зарим шаардлагатай мэдээллийг энэ бичвэрийн хавсралтад товч өгүүлсэн болно. Сайн үйлс улам дэлгэрч, Монгол минь мөнх оршиг ээ.

2015 оны 9 дүгээр сарын 7

 

Сүүлд шинэчлэгдсэн: 2015 оны 9-р сарын 24, Пүрэв гариг, 02:29
 
Хүүхдүүдээс хариу ирлээ PDF Хэвлэх И-мэйл
Бичсэн osaka   
2015 оны 6-р сарын 29, Даваа гариг, 09:28

Сайн байцгаана уу, Та бүхэнд энэ өдрийн мэндийг хүргэе.

Юуны өмнө их ажлын дундуур биднийг хүлээн авч, үнэтэй цагаа зориулсанд талархал илэрхийлье. Та бүхний ярианаас Монгол гэх агуу орны тухай маш дэлгэрэнгүй мэдээллийг олж авлаа. Мөн бидэнд дүрс бичлэг, гэрэл зураг үзүүлж тайлбар хийсэн, манайхны урьдчилан өгсөн асуултын хариуг мэдээлэлдээ давхар оруулж өгсөн болохоор маш ойлгомжтой байлаа. Хамгийн түрүүнд ЕКГ-т орох үед хэлсэн “Монголын газар нутагт хөл тавьлаа гэж ойлгож болно” гэдэг үгийг сонсоод, дээрээс нь Монгол үндэсний тоглоом наадгайгаар тоглож наадсан нь бидний хувьд яг л Монголд байгаа юм шиг сэтгэгдэл төрүүлэв. Үүнээс гадна бидэнтэй дурсгалын зураг авахуулж, бэлэг дурсгалын зүйлс өгөх зэргээр хамгийн сүүлийн мөч хүртэл халуун дотноор хүлээн авсанд дахин дахин талархаж байгаагаа хэлье. Цаашид боломж олдвол Монголын талаар илүү ихийг мэдэхийг хичээх болно. Дашрамд ийм завшаанаар сурч мэдсэн зүйлийг өөрийн амьдрал, ирээдүйдээ хэрэгжүүлэхийн төлөө явах болно. Та бүхэнд эрүүл энхийг хүсэн ерөөе.

2015 оны 6 дугаар сарын 1-ний өдөр

Хирошима хотын Оцүка дунд сургууль

2 дугаар ангийн 6 дугаар бүлэг, 3 дугаар групп /Ю.Таками, М.Накаикэ, А.Танимото, Х.Харагүчи, Х.Танабэ, М.Накамура, К.Такашима, Н.Цүчияа/


Сүүлд шинэчлэгдсэн: 2015 оны 6-р сарын 29, Даваа гариг, 09:36
 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 20-с 2

Холбоос